Steingrímur Gauti
Steingrímur Gauti Ingólfsson (f. 1986) býr og starfar í Reykjavík. Hann lauk B.A. námi í myndlist frá Listaháskóla Íslands árið 2015 og hefur verið virkur í sýningarhaldi síðastliðin ár. Hann hefur tekið þátt í samsýningum bæði hér á landi og erlendis og vinnur nú að sinni tólftu einkasýningu. Nýlegar sýningar eru m.a. Innanyfir í Gallerý Port, Soft Approach í Galerie Marguo í París og Life in a Day í Diller Daneils í Zurich.
Steingrímur Gauti nálgast málverkið af alúð og léttleika, með því að aðskilja sjálfið og fyrirframgefnar hugmyndir frá daglegu sköpunarferli sínu. Verk hans leika með grunnspurningar um myndlist og fagurfræði, eru í senn kraftmikil og lítillát en fjalla í raun ekki um annað en sig sjálf og sjónræn áhrif þeirra á áhorfandann. Ónákvæmni, endurtekning og höfnun gagnrýnnar hugsunar einkenna vinnubrögð hans og útkoman ber þess jafnan merki, þar sem verkin dansa á línu þess ljóðræna og barnslega.
Fáðu send skilaboð þegar ný verk eftir viðkomandi listamann koma á skrá.
Skráðu netfangið þitt hér og við sendum þér fleiri fáanleg verk.
